'స్వచ్ఛందంగా సమాచారం ఇవ్వండి.. చికిత్స అందిస్తాం'
గుంటూరు జిల్లా మంగళగిరిలో కరోనా పాజిటివ్ నమోదైన ప్రాంతంలో జిల్లా అర్బన్ ఎస్పీ రామకృష్ణ పర్యటించారు. అర్బన్ పరిధిలో ఇప్పటి వరకు 10 కరోనా పాజిటివ్ కేసులు నమోదయ్యాయని.. ఇందులో ఒకటి మంగళగిరిలో ఉందని తెలిపారు. దిల్లీ నుంచి వచ్చిన 63 మందిని పరీక్షలకు పంపించామన్నారు. వాళ్లు నివాసం ఉన్న ప్రాంతాల్లో కట్టుదిట్టమైన చర్యలు తీసుకున్నామన్నారు. అర్బన్ పరిధిలో లాక్డౌన్ సక్రమంగా అమలవుతోందని చెప్పారు.