గుంటూరు జిల్లాలో కరోనా కేసులు బయటపడుతూనే ఉన్నాయి. ఇవాళ మరో నలుగురికి కరోనా సోకింది. వీరితో కలిపి జిల్లాలో మొత్తం బాధితుల సంఖ్య 417కు చేరింది. తాజా కేసుల్లో.. తాడేపల్లిలో ఇద్దరికి, గుంటూరు సంగడిగుంట, మాచర్లలో ఒక్కొక్కరికి కరోనా సోకింది. హాట్ స్పాట్గా మారిన నరసరావుపేటలో ఇవాళ కొత్త కేసులు నమోదు కాలేదు.
ఇప్పటి వరకు జిల్లావ్యాప్తంగా గుంటూరులో 181 కేసులు, నరసరావుపేటలో 178 కేసులు నమోదయ్యాయి. ప్రస్తుతం జిల్లాలో 134 కరోనా యాక్టివ్ కేసులుండగా.. 275 మంది డిశ్చార్జి అయ్యారు.