సినీ నటుడు ఆర్ నారాయణ మూర్తికి సత్కారం
బడుగు బలహీన వర్గాల చేతుల్లోకి ప్రజాస్వామ్యం వచ్చిన రోజున అది నిజమైన ప్రజాస్వామ్యం అవుతుందని సినీ నటుడు ఆర్ నారాయణ మూర్తి అన్నారు. గుంటూరు జిల్లా తెనాలిలో రాష్ట్ర బీసీ సంక్షేమ సంఘం ఆధ్వర్యంలో నారాయణ మూర్తిని ఘనంగా సన్మానించారు. మార్కెట్లో 'ప్రజాస్వామ్యం' అనే చిత్రం త్వరలో విడుదల అవుతుందని... అందరూ ఆదరించాలని కోరారు. ప్రధానంగా ఇసుక విధానంపై కొన్ని అంశాలు ఉంటాయని తెలిపారు. కార్యక్రమంలో రాష్ట్ర బీసీ సంక్షేమ సంఘం రాష్ట్ర అధ్యక్షుడు కేశన శంకర్రావు, జంగమ సంక్షేమ సంఘం రాష్ట్ర అధ్యక్షుడు నాగలింగం పాల్గొన్నారు.