ఇంట్లో ఒంటరిగా ఉన్న వృద్ధురాలి తల పగలగొట్టి.. బంగారు గొలుసు లాక్కున్న సంఘటన నాదెండ్ల మండలం గణపవరంలో(Gold chain robbery in guntur) జరిగింది. పుట్టా సామ్రాజ్యం(65), ఓబయ్య దంపతులు గణపవరంలోని పద్మశాలి వీధిలో నివాసం ఉంటున్నారు. గ్రామంలోని సంతాన వేణుగోపాల స్వామి దేవాలయం వద్ద కిళ్లీకొట్టు నిర్వహిస్తున్నారు.
శనివారం ఉదయం ఓబయ్య దుకాణం వద్దకు వెళ్లగా.. సామ్రాజ్యం ఇంటి వద్దే ఉంది. ద్విచక్ర వాహనంపై వచ్చిన ఇద్దరు దుండగులు.. ఓబయ్య దుకాణం వద్దకు వెళ్లి సిగరెట్లు కొనుగోలు చేశారు. ఇంట్లో సామ్రాజ్యం ఒంటరిగా ఉందన్న విషయం గమనించి.. ఓబయ్య ఇంటి వద్దకు సర్వేకు వెళ్లినట్లు వెళ్లి సామ్రాజ్యంను పిలిచి ఆమెపై దాడికి పాల్పడ్డారు.