గుంటూరు జిల్లా మేడికొండూరు మండల కేంద్రంలో ఓటర్లకు పంచడానికి సిద్ధం చేసిన 400 స్టీల్ బాక్సులను శుక్రవారం సాయంత్రం స్వాధీనం చేసుకున్నట్లు పోలీసులు తెలిపారు. సిబ్బందితో కలిసి గ్రామంలో విధులు నిర్వహిస్తుండగా స్టీల్ బాక్సులు కనిపించాయని ఎస్సై నరహరి తెలిపారు.
అనుమానంతో ఆరా తీయగా.. 21న పోలింగ్ను దృష్టిలో పెట్టుకుని ఓటర్లకు పంపిణీ చేయడానికి ఓ పార్టీ మద్దతుతో పోటీ చేస్తున్న అభ్యర్థులు నిల్వ ఉంచినట్లు తెలిసిందని సీఐ ఆనందరావు వివరించారు. మరోవైపు.. మండలంలోని ఓ గ్రామంలో రాత్రి మహిళా ఓటర్లకు చీరలు, కొన్నిచోట్ల డబ్బులు పంచినట్లు సమాచారం.