అప్పుల బాధ తాళలేక రైతు ఆత్మహత్య

అప్పుల బాధ తాళలేక ఓ రైతు వేపచెట్టుకు ఉరివేసుకుని బలవన్మరణానికి పాల్పడిన ఘటన గుంటూరు జిల్లా సాతులూరులో జరిగింది. ఈ ఘటనపై పోలీసులు కేసు నమోదు చేసి, దర్యాప్తు చేస్తున్నారు.

గుంటూరు జిల్లా నాదెండ్ల మండలం సాతులూరుకు చెందిన రైతు పాటిబండ్ల ఆంజనేయులు.. తనకున్న ఎకరంన్నర పొలంతో పాటు మరో 17.5 ఎకరాలు కౌలుకు తీసుకుని పత్తి, మిర్చి, మొక్కజొన్న సాగు చేశాడు. పంటలు దెబ్బతినడం, గిట్టుబాటు ధర రాకపోవడంతో అప్పులు ఎలా తీర్చాలన్న మానసిక వేదనతో తన పొలంలోని వేప చెట్టుకు ఉరివేసుకుని బలవన్మరణానికి పాల్పడ్డాడు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

ఇదీచదవండి.