పోస్టుల వివాదం.. జనసేన కార్యకర్తపై కర్రలతో దాడి

గుంటూరు జిల్లా చిలకలూరిపేటలో జనసేన కార్యకర్తపై కొందరు వ్యక్తులు దాడి చేశారు. వాహనాల్లో వచ్చి తోట నాగవేణును కర్రలతో కొట్టారు. తీవ్రంగా గాయపడిన వేణు చిలకలూరిపేట అర్బన్​ పోలీస్​ స్టేషన్​లో ఫిర్యాదు చేశాడు.

గుంటూరు జిల్లా చిలకలూరిపేటలో జనసేన కార్యకర్తపై కొందరు వ్యక్తులు కర్రలతో దాడి చేశారు. తోట నాగవేణు చిలకలూరిపేటలో వాటర్​ ప్లాంట్​ నిర్వహిస్తున్నాడు. వేణు ఫేస్​బుక్​లోని ఓ గ్రూప్​లో యాక్టివ్​గా ఉండేవాడు. ఆ గ్రూప్​లో నిరుపేద కాపులకు సహాయం చేసేందుకు సేకరించిన నిధుల దుర్వినియోగంపై ప్రశ్నించాడు. ఈ క్రమంలో సదరు ఫేస్​బుక్ గ్రూప్​ అడ్మిన్ తదితరులు పోస్టుల రూపంలో ఒకరినొకరు దూషించుకున్నారు. నాగవేణుకు తగిన బుద్ధి చెబుతామని బెదిరిస్తూ పోస్టులు పెట్టారు. ఈ క్రమంలో వాటర్​ ప్లాంట్​లో ఉన్న నాగవేణుపై కొందరు వ్యక్తులు దాడి చేశారు.

నిధుల దుర్వినియోగంపై ప్రశ్నించిన తనను హత్య చేసేందుకు యత్నించారని నాగవేణు పోలీసులకు ఫిర్యాదు చేశాడు. నాగవేణు మీద దాడికి పాల్పడిన వారిపై కఠిన చర్యలు తీసుకోవాలని జనసేన నేతలు డిమాండ్​ చేశారు.

ఇదీ చదవండి: ఏకగ్రీవాలపై షాడో బృందాలు దృష్టిపెడతాయి: ఎస్‌ఈసీ