PRATHIPATI PULLA RAO: కొప్పర్రు ఘటనకు పోలీసు​లే కారణం: ప్రత్తిపాటి పుల్లారావు

కొప్పర్రులో మాజీ జడ్పీటీసీ ఇంటిపై దాడిని.. తెదేపా నేత ప్రత్తిపాటి పుల్లారావు(PRATHIPATI PULLARAO ON KOPPARRU INCIDENT) ఖండించారు. పోలీసులు శాంతిభద్రతలు పరిరక్షించడంతో విఫలమయ్యారని ఆరోపించారు. దోషులను శిక్షించి బాధితులకు న్యాయం చేయాలని డిమాండ్ చేశారు.

గుంటూరు జిల్లా పెదనందిపాడు మండలం కొప్పర్రులో జడ్పీటీసీ మాజీ సభ్యురాలు బత్తిని శారద ఇంటిపై జరిగిన దాడి(EX-MINISTER PRATHIPATI PULLARAO ON KOPPARRU INCIDENT)లో పోలీసులు నిష్పక్షపాతంగా విచారణ చేసి దోషులను శిక్షించాలని మాజీ మంత్రి ప్రత్తిపాటి పుల్లారావు(PRATHIPATI PULLA RAO) డిమాండ్ చేశారు. శారద కుటుంబాన్ని పరామర్శించిన ప్రత్తిపాటి.. పోలీసులు సరిగా స్పందించకపోతే న్యాయస్థానాలను ఆశ్రయిస్తామని హెచ్చరించారు. దాడికి సంబంధించిన వివరాలను అడిగి తెలుసుకున్నారు.

''బత్తిన శారద ఇంటిపై దాడిలో 200 మంది పాల్గొన్నారు. దాడికి సంబంధించి అన్ని వీడియో ఆధారాలున్నాయి. పోలీసుల వైఫల్యమే ఘటనకు కారణం. తెదేపా కార్యకర్తలు అండగా లేకపోతే శారదా కుటుంబాన్ని సజీవ దహనం చేసేవారు. రక్షించాల్సిన పోలీసులే..వారి ప్రాణాలను కాపాడుకునేందుకు ఇంట్లో మిన్నకుండిపోయారు. రాష్ట్రంలో పరిస్థితులు ఎలా ఉన్నాయో.. ఈ ఘటనతో ప్రజలు వాస్తవాలను అర్థం చేసుకోవాలి.'' - ప్రత్తిపాటి పుల్లారావు, మాజీ మంత్రి.

కొప్పర్రులో దుర్ఘటన(KOPPARRU ATTACK INCIDENT) జరగడానికి కారణం ఐపీఎస్ అధికారులేనని విమర్శించారు. ఐపీఎస్ అధికారులు శాంతి భద్రతలను కాపాడలేకపోతున్నారని ఆరోపించారు. ఈ ఘటనలో సంబంధం లేని వారిపై కేసులు నమోదు చేసి భయభ్రాంతులకు గురి చేస్తున్నారన్నారు. జిల్లా ఎస్పీ, డీఐజీ నిస్పక్షపాత విచారణచేసి దోషులను శిక్షించాలని విజ్ఞప్తి చేశారు. ప్రభుత్వం, ఐపీఎస్ అధికారులలో మార్పు రావడం లేదని..ప్రజలలో మార్పు రావాలని కోరారు. కేసు వివరాలను బాపట్ల డీఎస్పీ శ్రీనివాసరావును అడిగి తెలుసుకున్నారు. చర్యలు సరిగా లేకపోతే పోలీసులు సైతం న్యాయస్థానంలో ఇబ్బంది పడాల్సి ఉంటుందని ప్రత్తిపాటి పుల్లారావు అన్నారు.

ఇదీ చదవండి: