'శాశ్వతంగా భూ హక్కు కల్పించేందుకే భూముల రీ సర్వే'

చాలా కాలంగా గ్రామాల్లో నెలకొన్న భూ సమస్యలు పరిష్కరించేందుకే 'భూ రీ సర్వే' కార్యక్రమాన్ని ప్రభుత్వం చేపట్టిందని రెవెన్యూ శాఖ, ఉప ముఖ్యమంత్రి ధర్మాన కృష్ణదాస్ తెలిపారు. గుంటూరు జిల్లా దుగ్గిరాల మండలం డీపీ అగ్రహారంలో నిర్వహించిన ఈ కార్యక్రమానికి ఆయన ముఖ్యఅతిథిగా హాజరయ్యారు.

భూ వివాదాలు అధిగమించి శాశ్వతంగా భూ హక్కు కల్పించడానికే 'భూ రీ-సర్వే' అని రెవెన్యూ శాఖ, ఉప ముఖ్యమంత్రి ధర్మాన కృష్ణదాస్ అన్నారు. దీని ద్వారా రైతులకు పటిష్టమైన సర్వే నంబర్లు ఏర్పడతాయన్నారు. గుంటూరు జిల్లా దుగ్గిరాల మండలం డీపీ అగ్రహారంలో నిర్వహించిన 'భూ రీ-సర్వే' కార్యక్రమానికి ముఖ్య అతిథులుగా రెవెన్యూ మంత్రి, హోం మంత్రి సుచరిత హాజరయ్యారు. రాష్ట్రంలో భూ సమస్యలు పరిష్కరించే దిశగా రూ. వెయ్యి కోట్లతో మూడు విడతలుగా, మూడు పద్ధతుల్లో రీ సర్వే(land resurvey) చేస్తున్నట్లు ధర్మాన వివరించారు.

సర్వేకు సహకరించాలి: సుచరిత

రాష్ట్రంలో ఎక్కడా భూ సమస్యలు ఉండకూడదనే లక్ష్యంతో ముఖ్యమంత్రి జగన్​ ఈ కార్యక్రమాన్ని చేపట్టారని.. భూ యజమానులు, రైతులు భూ సర్వేకు సహకరించాలని హోంశాఖ మంత్రి మేకతోటి సుచరిత కోరారు. సర్వేలో ఎటువంటి సమస్యలు తలెత్తినా వెంటనే అధికారుల దృష్టికి తీసుకెళ్లాలని సూచించారు. సచివాలయాల్లోనే రిజిస్ట్రేషన్ జరిగే విధంగా ముఖ్యమంత్రి ప్రయత్నిస్తున్నారని... ఈ త్వరలోనే అమల్లోకి వస్తుందన్నారు.

ఇదెక్కడి దరిద్రం అండి అంటూ.. రైతు ఆవేదన
ఈ సందర్భంగా మంత్రులకు ఓ రైతు తమ ఆవేదన వెళ్లబుచ్చుకున్నాడు. పాసు పుస్తకంలో లోపాలు సరిచేయమని వీఆర్వోను సంప్రదిస్తే సర్వే రికార్డు పేరుతో తిప్పుతున్నారని ఆవేదన చెందారు. దీంతో హోంమంత్రి(home minster).. వెంటనే దుగ్గిరాల తహసీల్దార్​ మల్లేశ్వరిని వివరణ అడిగారు. అందుకే ఈ సర్వే అని.. ఆ రైతు సమస్యను వెంటనే పరిష్కరిస్తామని తహసీల్దార్ పేర్కొనడంతో ఆయన శాంతించారు. ఈ కార్యక్రమంలో జిల్లా కలెక్టర్ వివేక్ యాదవ్, పలువురు అధికారులు, ఎమ్మెల్యేలు, తదితరులు పాల్గొన్నారు.

ఇదీ చదవండి..