గుంటూరు జిల్లా గురజాల ఆర్డీఓ కార్యాలయంలో జూనియర్ అసిస్టెంట్గా పనిచేస్తున్న ఉద్యోగి కరోనాతో చికిత్స పొందుతూ పరిస్థితి విషమించింది. దీనిపై చికిత్స అందించేందుకు రూ. 60 వేలు ఖరీదైన ఇంజెక్షన్ ఇవ్వవలసి ఉంటుందని వైద్యులు తెలపడంతో వారు మానవతావాదుల సహకారం అభ్యర్థించారు.
స్పందించిన జేసీ..
దీనిపై స్పందించిన జేసీ ప్రశాంతి సదరు ఉద్యోగికి అవసరమైన పూర్తి చికిత్స అందించాలని తులసి మల్టీ స్పెషాలిటీ ఆసుపత్రి యాజమాన్యంతో మాట్లాడారు. రెవెన్యూ ఉద్యోగులను ఆసుపత్రికి పంపి బాధితుడి భార్యకు, కుటుంబసభ్యులకు ధైర్యం ఇచ్చారు. ప్రభుత్వం తరఫున అన్ని విధాలా ఆదుకుంటామని జేసీ హామీ ఇచ్చారు.