గుంటూరు జిల్లా రొంపిచర్ల మండలం కొత్తపల్లి గ్రామంలో బుధవారం తొలి కరోనా కేసు నమోదైంది. అప్రమత్తమైన అధికారులు కొత్తపల్లి గ్రామాన్ని రెడ్జోన్గా ప్రకటించారు. కొత్తపల్లి గ్రామాన్ని నరసరావుపేట ఎమ్మెల్యే గోపిరెడ్డి శ్రీనివాసరెడ్డి సందర్శించారు. అనంతరం ఎమ్మెల్యే గోపిరెడ్డి మాట్లాడుతూ.. ముంబయి నుంచి కొత్తపల్లి గ్రామానికి వచ్చిన ఒక వ్యక్తికి కరోనా నిర్ధరణ అయినట్లు తెలిపారు.
కరోనా బాధితుడి ప్రైమరీ, సెకండరీ కాంటాక్ట్లకు వైద్య పరీక్షలు నిర్వహిస్తున్నట్లు ఎమ్మెల్యే తెలిపారు. గ్రామస్థులంతా అధికారుల సూచనలు పాటించాలని కోరారు. గ్రామస్థులందరికీ వైద్యులు పరీక్షలు నిర్వహిస్తారన్నారు. ఎవరికైనా ఆరోగ్యపరమైన అనుమానాలు ఉంటే వెంటనే అధికారులకు తెలియజేయాలని తెలిపారు.