పేరేచర్లలో కరోనా పాజిటివ్ కేసు నమోదు

గుంటూరు మిర్చి యార్డులో ఆటోనడుపుతూ జీవనం సాగిస్తున్న పేరేచర్ల గ్రామానికి చెందిన వ్యక్తికి కరోనా నిర్ధారణ అయింది. పేరేచర్ల గ్రామంలో కరోనా కేసుల సంఖ్య 3కు చేరుకుంది.

గుంటూరు జిల్లా మెడికొండ్రు మండలం పేరేచర్లలో కరోనా పాజిటివ్ కేసు నమోదైంది. గ్రామానికి చెందిన వ్యక్తి గుంటూరు మిర్చి యార్డులో ఆటో నడుపుతుంటాడు. కొద్ది రోజులుగా అనారోగ్యంతో ఇబ్బందిపడుతున్న బాధితుడిని ఆసుపత్రిలో చేర్పించారు. అతనికి కరోనా పరీక్షలు నిర్వహించగా... పాజిటివ్ అని తేలింది. ప్రస్తుతం నమోదైన కేసు కలుపుకొని పేరేచర్లలో కేసుల సంఖ్య మూడుకు చేరింది.