ప్రజలకు పరిశుభ్రమైన తాగునీరు అందించాలని సీఎం జగన్ అన్నారు. వాటర్ గ్రిడ్ పథకం కింద 3 దశల్లో పనులు చేపట్టాలని అధికారులను ఆదేశించారు. ఉద్దానం తాగునీటి ప్రాజెక్టును శ్రీకాకుళం జిల్లా అంతటికీ వర్తింపచేయాలని జగన్ తెలియజేశారు. తాగునీటి సరఫరాపై అధికారులతో సీఎం జగన్ సమీక్ష జరిపారు. మంత్రి పెద్దిరెడ్డి రామచంద్రారెడ్డి, సీనియర్‌ అధికారులు, ఉభయగోదావరి జిల్లాల కలెక్టర్లు, అధికారులు సమావేశంలో పాల్గొన్నారు.
వాటర్ గ్రిడ్ పథకంలో భాగంగా...మొదటిదశలో శ్రీకాకుళం, ఉభయగోదావరి, ప్రకాశం జిల్లాల్లో పరిశుభ్రమైన తాగునీరు ఇవ్వాలని సీఎం తెలిపారు. రెండోదశలో విజయనగరం, విశాఖ, రాయలసీమ జిల్లాల్లో శుభ్రమైన నీరు ఇవ్వాలన్నారు. మూడో విడతలో కృష్ణా, గుంటూరు, నెల్లూరు జిల్లాల్లో తాగునీరు ఇవ్వాలని సీఎం వెల్లడించారు.