గాంధీజీ మార్గం అనుసరణీయమన్న ముఖ్యమంత్రి జగన్
మహాత్మాగాంధీ వర్థంతిని పురస్కరించుకుని ముఖ్యమంత్రి జగన్ ఆయనకు నివాళులు అర్పించారు. తాడేపల్లిలోని నివాసంలో.... గాంధీజీ చిత్రపటానికి పూలమాల వేసి అంజలి ఘటించారు. ఈ కార్యక్రమంలో మంత్రి వెల్లంపల్లి శ్రీనివాస్‌, అధికారులు, పార్టీ నేతలు పాల్గొన్నారు. దేశాన్ని స్వేచ్ఛా మార్గంవైపు నడిపించిన గొప్ప నాయకుడు గాంధీ అని సీఎం ట్విట్టర్లో కొనియాడారు. అహింస, శాంతి, సర్వోదయ బోధనల వైపు అందరినీ మళ్లించారన్నారు. గాంధీజీ చూపిన మార్గాన్ని అందరూ అనుసరించాలని సీఎం సూచించారు.