బడుగులకు రాజకీయ అవకాశాలు ఎన్టీఆర్ చలవే.. : టీడీపీ అధినేత చంద్రబాబు

Special Edition Of NTR Centenary Book: నందమూరి కళా పరిషత్ అద్దంకి సంస్థ ముద్రించిన "ఎన్టీఆర్ శత జయంతి" ప్రత్యేక సంచికను టీడీపీ అధినేత నారా చంద్రబాబు నాయుడు ఆవిష్కరించారు. ఎన్టీఆర్ శత జయంతి ఉత్సవాలు పురస్కరించుకొని ఈ సంచికను రూపొందించారు. మంగళగిరిలోని పార్టీ కేంద్ర కార్యాలయంలో ఎమ్మెల్యే గొట్టిపాటి రవి కుమార్ ఆధ్వర్యంలో జరిగిన కార్యక్రమంలో ఆవిష్కరించారు.

Special Edition Of NTR Centenary Book : మే 28న ప్రారంభమైన ఎన్టీఆర్ శత జయంతి ఉత్సవాలు 365 రోజుల పాటు కొనసాగనున్నాయని గతంలో నటుడు, హిందూపురం ఎమ్మెల్యే బాలకృష్ణ ప్రకటించారు. తమ కుటుంబం నుంచి నెలకొక్కరు ఒక్కో కార్యక్రమంలో పాల్గొంటారని చెప్పారు. అప్పటి నుంచి ఎన్టీఆర్ శత జయంతి ఉత్సవాలు విజయవంతంగా నిర్వహిస్తున్నారు.

అన్నగారి శత జయంతి ప్రత్యేక సంచిక :తెలుగుదేశం పార్టీ వ్యవస్థాపక అధ్యక్షుడు, మాజీ ముఖ్యమంత్రి వర్యులు.. అన్న ఎన్టీఆర్ శత జయంతి పురస్కరించుకొని నందమూరి కళా పరిషత్ అద్దంకి వారు ముద్రించిన "ఎన్టీఆర్ శత జయంతి" ప్రత్యేక సంచికను ఎమ్మెల్యే గొట్టిపాటి రవి కుమార్ ఆధ్వర్యంలో మంగళగిరిలోని పార్టీ కేంద్ర కార్యాలయంలో చంద్రబాబు నాయుడు ఆవిష్కరించారు.
నందమూరి కళా పరిషత్ సభ్యులను అభినందించిన చంద్రబాబు : ప్రత్యేక సంచిక ఆవిష్కరణ సందర్భంగా చంద్రబాబు మాట్లాడుతూ బడుగులకు రాజకీయ అవకాశాలను పంచిన సమ సమాజవాది ఎన్టీఆర్ అని తెలిపారు. పేదలకు మెరుగైన జీవనాన్ని అందించిన సంక్షేమవాది, మహిళలకు సమాన హక్కులను కల్పించిన అభ్యుదయవాది నందమూరి తారక రామారావు శత జయంతి సందర్భంగా ప్రత్యేక సంచికను ఆవిష్కరించడం ఎంతో సంతోషంగా ఉందని పేర్కొన్నారు. ఈ సందర్భంగా నందమూరి కళా పరిషత్ సభ్యులను చంద్రబాబు అభినందించారు. ఆ మహానుభావుని కళా సేవ, ప్రజా సేవను స్మరించుకుని స్ఫూర్తిని పొందుదామని పిలుపునిచ్చారు.ఈ కార్యక్రమంలో నందమూరి కళా పరిషత్ అధ్యక్షుడు మన్నం త్రిమూర్తులు, నాగినేని రామ కృష్ణ, కరి పరమేష్, గోవాడ శ్రీకాంత్, చేబ్రోలు సుబ్బయ్య, పరిటాల పవన్, కొల్లి సురేంద్ర తదితరులు పాల్గొన్నారు.

ఎన్టీఆర్ శత జయంతి పురష్కరించుకొని చేపట్టిన సేవా కార్యక్రమాలు : మే 28 నుంచి ఎన్టీఆర్ శత జయంతి ఉత్సవాలు రాష్ట్ర వ్యాప్తంగా జరుగుతున్నాయి. టీడీపీ నాయకులు, కార్యకర్తలు సేవ కార్యక్రమాలు చేస్తున్నారు. పలు ప్రాంతాల్లో మెగా మెడికల్ క్యాంపులు ఏర్పాటు చేశారు. పలు విభాగాలకు చెందిని నిపుణులైన డాక్టర్లు పాల్గొని వైద్య సహాయాన్ని అందించారు. మెగా మెడికల్ క్యాంపు ద్వారా సుమారు ఎంతో మందికి వైద్య పరీక్షలు చేయించారు. ఉచితంగా మందులు, కళ్ళ జోళ్లు పంపిణీ చేశారు. బసవతారకం క్యాన్సర్ హాస్పిటల్ నుంచి వచ్చిన వైద్య సిబ్బంది క్యాన్సర్ స్క్రీనింగ్ టెస్టులు నిర్వహించారు.

అన్ని ప్రముఖ హాస్పిటల్స్ నుంచి వచ్చిన వైద్య సిబ్బంది మెగా మెడికల్ క్యాంపులో పాల్గొన్నారు. గుండె, షుగర్, బీపీ, గైనిక్, దంత, ఆర్థో, కంటికి సంబంధించిన సమస్యలతో పాటు జనరల్ మెడికల్ సమస్యలతో బాధ పడుతున్నవారికి వైద్య సేవలు అందజేశారు. మెగా మెడికల్ క్యాంపులో వైద్య సేవల కోసం వచ్చిన వారికి అన్న క్యాంటీన్ ద్వారా అన్నదానం చేశారు.

ఇవీ చదవండి