ఆ దృశ్యాలు చూసి షాక్​కు గురయ్యా: చంద్రబాబు

రాష్ట్రంలో దాదాపు నెలన్నర తరువాత ఇవాళ మద్యం దుకాణాలు తెరుచుకున్నాయి. దుకాణాలకు మందు బాబులు పోటెత్తారు. సినిమా థియేటర్లను తలపించేలా మద్యం దుకాణాలు ముందు భారీ క్యూలు కట్టారు. దీనిపై చంద్రబాబు మండిపడ్డారు. ప్రభుత్వ ప్రణాళిక లేమితో భౌతిక దూరం స్ఫూర్తి దెబ్బతిందన్నారు.

చంద్రబాబు ట్వీట్

రాష్ట్రంలోని మద్యం దుకాణాల వద్ద దృశ్యాలు చూసి షాక్‌కు గురయ్యానని తెదేపా అధినేత చంద్రబాబు అన్నారు. మద్యం కోసం ప్రజలు భారీగా వస్తారని గ్రహించకుండా వ్యవహరించారని ప్రభుత్వంపై మండిపడ్డారు.

ప్రణాళిక లేని వైఖరి వల్లే భౌతిక దూరం స్ఫూర్తి దెబ్బతిందని ధ్వజమెత్తారు. కరోనా కేసులు మరిన్ని పెరిగేలా ప్రభుత్వం చర్యలు ఉన్నాయని ఆందోళన వ్యక్తం చేశారు. మద్యం దుకాణాల వద్ద జనాలు బారులు తీరిన దృశ్యాలను ఆ ట్విటర్​లో పోస్ట్ చేశారు.

ఇదీ చదవండి: