గుంటూరు కొత్తపేటలో కారు బీభత్సం సృష్టించింది. అదుపు తప్పి సంగం డెయిరీ పార్లర్ దుకాణాంలోకి వేగంగా దూసుకెళ్లింది. ఆరు అడుగుల ఎత్తు ఉన్న పాల దుకాణం మెట్లపైకి దూసుకెళ్లి ఆగిపోయింది. దుకాణ యజమాని రామ్మూర్తికి గాయాలయ్యాయి. అక్కడ నిలిపిన రెండు ద్విచక్ర వాహనాలు ధ్వంసమయ్యాయి. ప్రాణనష్టం జరగలేదు.
కారులో ఆసుపత్రికి వెళ్లి వస్తుండగా ముందు అద్దం వద్ద పెట్టిన ఫైల్ కింద పడింది. డ్రైవర్ దాన్ని పట్టుకుంటున్న క్రమంలో స్టీరింగ్ పక్కకు తిరిగి కారు అదుపు తప్పింది. దీంతో కారు అక్కడే ఉన్న వ్యాపార సముదాయంలోకి దూసుకువెళ్లింది.