జీఎన్రావు కమిటీపై చంద్రబాబు విమర్శలు
జీఎన్రావు కమిటీ అంటే ఏంటో అనుకున్నానని.. ఇంతకు మునుపు అతను రాజధాని ప్రాంతం మునిగిపోతుందని చెప్పిన ఓ అవగాహన లేని కలెక్టర్ అని తెదేపా అధినేత చంద్రబాబు చెప్పారు. ఆనాడే అతన్ని నేను మందలించానని.. అతనేదో ఆకాశం నుంచి ఊడి పడినట్లుగా ప్రభుత్వం గొప్పలు చెప్పిందని ఎర్రబాలెంలో రైతులను కలిసిన సందర్భంగా ఎద్దేవా చేశారు. అనంతరం.. కేసులతో ఉన్న బోస్టన్ కంపెనీకి రాజధానిని చూసే బాధ్యతలు అప్పగించారని.. ఇప్పుడు హైపవర్ కమిటీ అంటూ కాలయాపన చేస్తున్నారని మండిపడ్డారు. అమరావతిలో భూముల ధరలు పెరిగితే ముఖ్యమంత్రికి ఇబ్బందేంటని ప్రశ్నించారు.