తెల్లవారితే వివాహం.. రాత్రి ఉరి వేసుకుని ఆత్మహత్య చేసుకున్న పెళ్లి కుమార్తె

Bride Committed Suicide: ఆ ఇంట్లో మరి కొన్ని గంటల్లో వివాహం. వివాహం కోసం ఆ ఇంటి పెద్దలు అన్నీ ఏర్పాట్లు చేశారు. ఇల్లంతా బంధువులతో, పెళ్లి పనులతో హడావుడిగా ఉంది. పెళ్లికి సమయం దగ్గర పడుతోంది. అంతలోనే పెళ్లి కుమార్తె ఉరి తాడుకు వేలాడుతూ కనిపించింది.

Bride Committed Suicide: ఆ తల్లిదండ్రులు తమ కూతురి విహహం కోసం అన్ని ఏర్పాట్లు చేశారు. బంధువులు, మిత్రుల రాకతో ఆ ఇంట్లో సందడి నెలకొంది. కానీ వారి ఆనందం ఎంతో సేపు నిలవలేదు. పెళ్లి పీటలు ఎక్కాల్సిన వధువు ఉరి వేసుకొని ఆత్మహత్యకు పాల్పడింది. దీంతో ఆ కుటుంబంలో విషాద ఛాయలు అలుముకున్నాయి. ఈ ఘటన నిజామాబాద్ జిల్లాలో చోటు చేసుకుంది. ఇందుకు సంబంధించిన వివరాలు ఈ విధంగా ఉన్నాయి.

వివాహ ఆహ్వనపత్రిక

నవీపేట్ మండల కేంద్రానికి చెందిన ర్యాగల రవళిని నిజామాబాద్ జిల్లా కేంద్రానికి చెందిన సంతోశ్​తో పెళ్లి నిశ్చయం చేశారు. ఈరోజు నిజామాబాద్​లో 12:15 నిమిషాలకు వివాహం జరిపేందుకు అన్ని ఏర్పాట్లు చేశారు. కానీ ఇంతలోనే పెళ్లి కుమార్తె రవళి ఉరి వేసుకొని ఆత్మహత్య చేసుకుంది. దీంతో ఆ కుటుంబ సభ్యులు ఒక్కసారిగా షాక్​కు గురయ్యారు.పెళ్లి కుమారుడు మానసికంగా వేధించడంతోనే తమ కుమార్తె ఆత్మహత్యకు పాల్పడిందని వారు ఆరోపిస్తున్నారు. ఈ ఘటనపై కేసు నమోదు చేసుకున్న పోలీసులు విచారణ చేపట్టారు.

ఇవీ చదవండి: