గుంటూరులో బీపీ మండల్ విగ్రహావిష్కరణ కార్యక్రమం
BP Mandal idol unveiling program: గుంటూరులో ఈ నెల 12న.. బీపీ మండల్ విగ్రహావిష్కరణ కార్యక్రమం జరగనుంది. విగ్రహావిష్కరణ అనంతరం.. బీసీల ఆత్మగౌరవ సభ నిర్వహించనున్నారు. బీసీ సంఘాల ఆధ్వర్యంలో ఈ కార్యక్రమం ఏర్పాటు చేశారు. రాష్ట్రం నుంచే కాకుండా.. దేశంలోని వివిధ రాజకీయ పార్టీల నుంచి బీసీ నేతల్ని ఈ కార్యక్రమానికి ఆహ్వానించారు. ఇదే వేదిక నుంచి.. బీపీ మండల్ సిఫార్సులను దేశవ్యాప్తంగా అమలు చేయాలనే ఉద్యమాన్ని ప్రారంభించనున్నట్లు.. బీసీ సంఘాల ప్రతినిధులు తెలిపారు. వెనుకబడిన వర్గాలకు సామాజిక న్యాయం జరగాలనే ఉద్దేశంతో బీపీ మండల్ అనేక సిఫార్సులు చేశారని నాయకులు గుర్తుచేసుకున్నారు. వాటిని అమలు చేయకుండా ప్రభుత్వాలు కాలయాపన చేస్తున్నాయని ఆరోపించారు. పార్టీలకు అతీతంగా అందరూ ఈ కార్యక్రమంలో పాల్గొని విజయవంతం చేయాలని కోరారు.