గుంటూరు జిల్లాలో ద్విచక్ర వాహనాల చోరీలకు పాల్పడుతున్న రెండు దొంగల ముఠాలను పోలీసులు అరెస్టు చేశారు. వారి నుంచి 36 ద్విచక్ర వాహనాలను స్వాధీనం చేసుకున్నారు. పట్టుబడిన వాహనాల విలువ రూ.13లక్షలు ఉంటుందని గుంటూరు అర్బన్ ఎస్పీ అమ్మిరెడ్డి తెలిపారు. గుంటూరు జిల్లాలోని మేడికొండూరు, లాలాపేట, కొత్తపేట పోలీస్ స్టేషన్లలో వీరిపై కేసులు నమోదైనట్లు ఎస్పీ వెల్లడించారు.
రోడ్ల పక్కన నిలిపి ఉంచిన ద్విచక్రవాహనాలను ఈ ముఠా చాకచక్యంగా దొంగిలించి, విక్రయిస్తున్నట్లు ఎస్పీ అమ్మిరెడ్డి తెలిపారు. వీరు విక్రయించిన ఓ బైక్కు ట్రాఫిక్ పోలీసులు ఛలానా విధించారు. చలాన్కు సంబంధించిన సంక్షిప్త సమాచారం సంబంధిత వాహన యజమానికి వెళ్లింది. ఈ ఘటనతో షాక్కు గురైన బాధితుడు... తన బైక్ దొంగతనానికి గురైందని, ఇప్పుడు జరిమానా కట్టాలని ఈ-చలాన్ విధించడం ఏమిటని మేడికొండూరు పోలీసులకు ఫిర్యాదు చేశాడు.