ప్రత్తిపాడు ఆంధ్రాబ్యాంక్లో గోల్మాల్: గోల్డ్ మాయం
గుంటూరు జిల్లా ప్రత్తిపాడులోని ఆంధ్రా బ్యాంక్లో కేజీ బంగారానికి పైగా గోల్మాల్ జరిగింది. ఆంధ్రా బ్యాంక్లో ఆభరణాలు తాకట్టు పెట్టుకునే విభాగంలో నాగూర్వలి 15 ఏళ్లుగా ఒప్పంద పద్ధతిలో విధులు నిర్వర్తిస్తున్నాడు. ఈనెల 11న కొంతమంది ఖాతాదారులు బంగారం తాకట్టు పెట్టి... నగదు తీసుకునేందుకు వెళ్లారు. వారివద్ద బంగారం తీసుకున్న నాగూర్వలి నగదు చెల్లించలేదు. ఖాతాదారుల బంగారాన్ని మణప్పురం సంస్థలో కుదువ పెట్టి నగదు తీసుకున్నట్లు ఆంధ్రాబ్యాంక్ అధికారులు నిర్ధారించారు. మోసపోయామని తెలుసుకున్న ఖాతాదారులు బ్యాంక్ వద్దకు చేరుకొని లబోదిబోమన్నారు. ఈ వ్యవహారంపై బ్యాంకు అధికారులు పోలీసులకు ఫిర్యాదు చేయకపోవడంపై పలు అనుమానాలు వ్యక్తమవుతున్నాయి.