ఉమ్మడి ఆంధ్రప్రదేశ్లో సంచలనం సృష్టించిన అయేషా మీరా హత్య కేసుపై సీబీఐ విచారణలో మరో ముందడుగు పడింది. గుంటూరు జిల్లా తెనాలిలో ఆమె మృతదేహానికి మరోసారి శవపరీక్ష జరుపుతున్నారు అధికారులు. ఈ కేసుకు సంబంధించిన సాక్ష్యాలు విజయవాడ కోర్టులో ధ్వంసమైనందున ఆధారాల సేకరణ సీబీఐకి పెద్ద సవాల్గా మారింది. అందుకే మృతదేహానికి మరోసారి శవపరీక్ష చేయాలని నిర్ణయించారు. అయితే ఈ ప్రక్రియ ముస్లిం మత సంప్రదాయలకు విరుద్ధమని అయేషామీరా తల్లిదండ్రులు అంగీకరించకపోవటంతో సీబీఐ అధికారులు కోర్టుని అశ్రయించి అనుమతి పొందారు. తెనాలిలోని చెంచుపేటలో ఉన్నశ్మశానవాటికలో అయేషా మృతదేహాన్ని ఖననం చేశారు. ఇపుడు అక్కడే మరోసారి శవపరీక్ష జరగుతోంది. అయితే హత్య జరిగిన 12 సంవత్సరాల తర్వాత శవపరీక్ష జరుగుతున్నందున మృతదేహం పూర్తిగా పాడైపోయింది. కేవలం ఎముకలు, గోళ్లు, కేశాలే ఉన్నాయి. ఇపుడు శవపరీక్షలో వైద్యులు ఏం చేస్తారు?... మృతదేహం ఆనవాళ్ల నుంచి సీబీఐ అధికారులు ఎలాంటి ఆధారాలు సేకరిస్తారనేది ఆసక్తిగా మారింది.
అయేషా మీరా మృతదేహానికి మరోసారి శవపరీక్ష
అయేషా మీరా మృతదేహానికి మరోసారి శవపరీక్ష నిర్వహిస్తున్నారు అధికారులు. గుంటూరు జిల్లా తెనాలిలోని చెంచుపేటలో ఉన్న శ్మశాన వాటికలో శవపరీక్ష జరగుతోంది. హత్య జరిగిన 12 సంవత్సరాల తర్వాత ఈ ప్రక్రియను చేపడుతున్నారు.
అయేషా మృతదేహం
అయేషా మీరా మృతదేహానికి మరోసారి శవపరీక్ష
Last Updated : Dec 14, 2019, 9:51 AM IST