కౌలు చెక్కులు విడుదల చేయాలంటూ అమరావతి రైతులు భారీ ర్యాలీ
కౌలు చెక్కులు విడుదల చేయాలంటూ గుంటూరు జిల్లాలోని తుళ్లూరులో రైతులు భారీ ర్యాలీ నిర్వహించారు. దీక్షా శిబిరం నుంచి తుళ్లూరు సీఆర్డీఏ కార్యాలయం వరకు అమరావతి రైతులు ర్యాలీ చేశారు. అనంతరం సీఆర్డీఏ కార్యాలయం వద్ద ధర్నా నిర్వహించారు. రాజధాని ప్రాంతంలో దాదాపు 20 శాతం మందికి కౌలు డబ్బులు రాలేదని రైతులు వాపోయారు. రైతుల ర్యాలీకి తెదేపా నేత శ్రావణ్ మద్దతు ప్రకటించి... ర్యాలీలో పాల్గొన్నారు.