అమరావతే రాజధానిగా కొనసాగాలంటూ అమ్మవారికి పూజలు

అమరావతి ఏకైక రాజధానిగా ఉండాలని కోరుతూ.. దీక్షా శిబిరాలలో రైతులు అమ్మవారికి పూజలు చేశారు. ప్రధాని నరేంద్ర మోదీ చొరవ తీసుకుని అమరావతిని కాపాడాలని కోరారు.

ప్రధాని నరేంద్ర మోదీనే అమరావతిని కాపాడాలని కోరుతూ.. రైతులు ఉద్ధండరాయునిపాలెంలో ఆందోళన నిర్వహించారు. పరిపాలన రాజధానిగా అమరావతినే కొనసాగించాలంటూ రైతులు 311వ రోజు ఆందోళన కొనసాగించారు. తుళ్లూరు, మందడం, వెలగపూడి, రాయపూడి, కృష్ణాయపాలెం, ఎర్రబాలెం, వెంకటపాలెంలో నిరసన దీక్షలు చేశారు. జై అమరావతి అంటూ నినాదాలు చేశారు. అమరావతి నిర్మాణానికి శంకుస్థాపన చేసిన ప్రాంతంలో ఆందోళన చేపట్టారు. మందడం, అబ్బరాజుపాలెంలోని దీక్షా శిబిరాలలో ప్రత్యేక పూజలు నిర్వహించారు. అమరావతే రాజధానిగా కొనసాగాలంటూ అమ్మవారికి నైవేద్యాలు సమర్పించారు.

ఇవీ చదవండి..