వైకాపా సంక్షేమ పథకాలపై ప్రశంసలు కురిపించిన నటుడు అలీ
గుంటూరు జిల్లా చిలకలూరిపేట పట్టణం కళామందిర్ సెంటర్లో శనివారం రాత్రి మున్సిపల్ ఎన్నికల విజయోత్సవ సభను నిర్వహించారు. సినీ నటుడు అలీ, ఎమ్మెల్యే విడదల రజిని, గుంటూరు పశ్చిమ ఎమ్మెల్యే మద్దాలి గిరి, గుంటూరు నగర మేయర్ మనోహర్ నాయుడు, వైకాపా అధికార ప్రతినిధి బత్తుల బ్రహ్మానందరెడ్డి తదితరులు పాల్గొన్నారు.
వైఎస్ రాజశేఖర్ రెడ్డి పేద ప్రజలకు అందించిన సంక్షేమ పథకాలు తగ్గకుండా అంతకుమించి చేయాలనే తపనతో ఆయన కుమారుడు జగన్మోహన్ రెడ్డి పనిచేస్తున్నారని సినీ నటుడు అలీ కొనియాడారు. చిన్న కార్యకర్తగా ఉన్న షేక్ రఫానికి.. పురపాలక ఛైర్మన్గా అవకాశం కల్పించిన సీఎంకు కృతజ్ఞతలు తెలిపారు. తాను ఇచ్చిన హామీలన్నీ నెరవేర్చిన తరువాతే తిరిగి ప్రజలను ఓట్లు అడుగుతానని ఎమ్మెల్యే విడదల రజిని తెలిపారు.