గుంటూరు జిల్లా దుగ్గిరాల మండలం పెదకొండూరులో రత్నకుమార్ అనే యువకుడు కృష్ణా నదిలో గల్లంతయ్యాడు. అతని ఆచుకీ ఇంకా లభించలేదు. పశువులు మేపడానికి వెళ్లి ప్రమాదవశాత్తూ నదిలో పడిపోయాడు. స్నేహితులు కాపాడేందుకు యత్నించినా సాధ్యం కాలేదు. అతను పడిన చోట లోతైన గోతులు ఉన్నాయి.
స్థానికులు ఎంత వెతికినా ప్రయోజనం లేకపోవడంతో అధికారులకు సమాచారం ఇచ్చారు. వారు ఎన్డీఆర్ఎఫ్ బృందాలను పంపించారు. బృందాలు మోటార్ బోట్ల సాయంతో గాలింపు చర్యలు చేపట్టాయి. అయినా యువకుడి ఆచూకీ ఇంకా లభించలేదు.