కరోనా వైరస్ ను నియంత్రించే క్రమంలో డాక్టర్లు, వైద్య సిబ్బంది, పారిశుద్ధ్య కార్మికులు, పోలీసులు ఇలా ఎవరి పరిధిలో వారు పని చేస్తున్నారు. వారికి తోడు తనవంతుగా ఏదైనా చేయాలని భావించారు గుంటూరుకు చెందిన మల్లికార్జున రావు. సేవా కార్యక్రమాల్లో విరివిగా పాల్గొనే మల్లిఖార్జున ప్రస్తుతం కరోనా గురించి ప్రజలకు అవగాహన కల్పిస్తున్నారు.
గుంటూరులోని వివిధ ప్రాంతాల్లో సంచరిస్తూ.. వైరస్ తీరును వివరించారు. కరోనా బారి నుంచి మనల్ని మనం ఎలా రక్షించుకోవాలన్నది ప్రజలకు వివరించారు. అలాగే.. నిరాశ్రయిలకు దాతలు భోజనం అందజేసే ప్రాంతాలకు వెళ్లి వారికి జాగ్రత్తలు చెబుతూ.. భౌతిక దూరం ఎంతముఖ్యమన్నది వివరిస్తున్నారు. మాస్కులు, శానిటైజర్లకు ప్రత్యామ్నాయం గురించి అవగాహన కల్పించారు.