తొమ్మిదో తరగతి విద్యార్థి అనుమానాస్పద మృతి

తొమ్మిదో తరగతి చదువుతున్న ఓ విద్యార్థి చెరువులో శవమై తేలాడు. ఆత్మహత్య చేసుకున్నాడా..? ఎవరైనా చంపి పడేశారా?... అయినా పాఠశాలకు వెళ్లే బాలుడిపై ఎవరికంత కక్ష ఉంటుంది?...ఒకవేళ చెరువులో దూకి ఆత్మహత్య చేసుకుంటే మెడకు తాడు ఎందుకు ఉంది?...గుంటూరు జిల్లాలో జరిగిన ఈ ఘటనపై పలు అనుమానాలు రేకెత్తుతున్నాయి.

గుంటూరు జిల్లా ప్రత్తిపాడు మండలం గోగమూడికి చెందిన ఓ విద్యార్థి అనుమానాస్పద స్థితిలో మృతిచెందాడు. వసతిగృహంలో ఉంటున్న మహేష్​ చెరువులో శవంగా కనిపించాడు. అతని మెడకు తాడు కట్టి ఉండటంపై పోలీసులు అనుమానాస్పద మృతిగా భావిస్తున్నారు. అబ్బినేనిగుంటపాలెంలోని ఓ ప్రైవేటు పాఠశాలలో మహేష్ 9వ తరగతి చదువుతున్నాడు. అయితే పాఠశాల యాజమాన్యం వల్లే తమ కుమారుడు చనిపోయాడని కుటుంబసభ్యులు ఆరోపిస్తున్నారు. గుంటూరు ప్రధాన రహదారిపై రాస్తారోకో చేశారు. పోలీసులు విచారణ చేపట్టారు. పోస్టుమార్టం నిమిత్తం మృతదేహాన్ని గుంటూరు జీజీహెచ్​కు తరలించారు.

ఇదీ చూడండిపోలీసుల అదుపులో బాలికపై అత్యాచార నిందితుడు