సెల్​ఫోన్ వాడొద్దని తల్లి చెబితే.. ఆత్మహత్య చేసుకున్నాడు!

సెల్​ఫోన్ ఎక్కువగా వాడొద్దు.. మంచిది కాదురా.. నాయనా! అని చెప్పింది ఓ తల్లి. ఆ మాటలు బాధించడంతో ఓ బాలుడు ఆత్మహత్య చేసుకున్నాడు. ఈ ఘటన గుంటూరు జిల్లాలో చోటు చేసుకుంది.

సెల్ ఫోన్ వాడొద్దు అని తల్లి మందలించిందని కొడుకు ఆత్మహత్యకు పాల్పడ్డాడు. గుంటూరు జిల్లా వట్టిచెరుకూరు మండలం లేమల్లెపాడులో రెడ్డి పురందేశ్వర్(15) వట్టిచెరుకూరు జడ్పీ ఉన్నత పాఠశాలలో పదో తరగతి చదువుతున్నాడు. సెల్ ఫోన్ ఎక్కువగా వాడుతున్నాడని పురందేశ్వర్​ను తల్లి మందలించింది. మనస్తాపం చెందిన బాలుడు గడ్డి మందు తాగాడు. గమనించిన తల్లి ప్రభుత్వాసుపత్రికి తీసుకెళ్లింది. పురందేశ్వర్​ చికిత్స పొందుతూ పరిస్థితి విషమించడంతో మృతి చెందాడు. ఈ మేరకు కేసు నమోదు చేసిన పోలీసులు దర్యాప్తు చేస్తున్నారు.

ఇదీ చదవండి:టీకా తయారీపై శాస్త్రవేత్తలకు మోదీ ప్రశంసలు