"కృష్ణాలో గెలుపు ఏకపక్షం"

కృష్ణా జిల్లా నేతలతో ముఖ్యమంత్రి సమీక్షించారు. తెదేపా ప్రవేశపెట్టిన అభివృద్ధి పెట్టిన పథకాలను ప్రజల్లోకి బలంగా తీసుకెళ్లి ..గెలుపును ఏకపక్షం చేయాలన్నారు.

కృష్ణా జిల్లా తెదేపా నేతలతో ముఖ్యమంత్రి సమీక్ష నిర్వహించారు. జిల్లాకు చేసిన అభివద్ధే గెలుపు తీసుకొస్తుందని ధీమా వ్యక్తం చేశారు. గతంలో 11 అసెంబ్లీ స్థానాలు గెలిచామన్న సీఎం...ఈ దఫా 16 ఎమ్మెల్యే సీట్లతో పాటు 2 ఎంపీ స్థానాలను గెలుచుకోవాలని నేతలకు సూచించారు. అంతర్గత కలహాలను విడిచి పెట్టి కలసికట్టుగా పనిచేయాలన్నారు. జిల్లాకు పెద్ద ఎత్తున మౌలిక సదుపాయాలు కల్పించామని తెలిపారు. క్షేత్రస్థాయిలో కార్యకర్తలతో మమేకం కావాలని సూచించారు.

వైకాపావి కుట్ర రాజకీయాలు:

గెలుపుపై భయంతోనే వైకాపా కుట్రలు చేస్తోందని చంద్రబాబు ఆరోపించారు. తప్పుడు సర్వేల పేరుతో నిజమైన సర్వేలు చేసేవారిని అడ్డుకుంటోందన్నారు . దొంగ ఓట్లు వారే చేర్చి తిరిగి నాటకాలు చేస్తున్నారని మండిపడ్డారు. వైకాపా, తెరాస, భాజపా కుట్రలను ప్రజలే చిత్తు చేస్తారని స్పష్టం చేశారు.