ఆర్టీసీ ఉద్యోగులకు తీపికబురు

కొత్త ఫిట్​మెంట్ అమలుకు ఉత్తర్వుల జారీ ద్వారా ఏపీఎస్ఆర్టీసీ ఉద్యోగులకు ప్రభుత్వం తీపి కబురు చెప్పింది.

ఆర్టీసీలో సమ్మె సైరన్ మోగే సమయంలో మంత్రి అచ్చెన్నాయుడు చొరవతో ఉద్యోగులు, యాజమాన్యం మధ్య చర్చలు సఫలమయ్యాయి. వాటికి అనుగుణంగానే కార్మికులకు పెంచిన 25శాతం ఫిట్​మెంట్ అమలు చేస్తూ సంస్థ ఎండీ సురేంద్ర బాబు ఉత్తర్వులు జారీ చేశారు. సర్వీసు ఆధారంగా రూ.10వేల నుంచి రూ. 25 వేల వరకూ ఉద్యోగుల వేతనాలు పెరగనున్నాయి. 2017 ఏప్రిల్ 1 నాటికి ఉన్న బేసిక్ పే పై 25 శాతం ఫిట్​మెంట్, 31.1 శాతం డీఏతో కలిపి కొత్త స్కేలును పరిగణన చేయనున్నారు. శ్రామిక్​ పోస్టు పేరును అసిస్టెంట్ మెకానిక్ గా ఏపీఎస్ఆర్టీసీ పేరు మార్చింది. తమ డిమాండ్లు నేరవేర్చిన యాజమాన్యానికి.. ఈయూ, ఐకాస నేతలు కృతజ్ఞతలు తెలిపారు.