పోరస్ రసాయన పరిశ్రమను తొలగించాలంటూ ఏలూరు జిల్లా ముసునూరు మండలం అక్కిరెడ్డిగూడెం ప్రజలు ఆందోళన తీవ్రతరం చేశారు. పరిశ్రమను మూసేశామని చెబుతూనే పనులు చేస్తున్నారంటూ... తీవ్ర ఆగ్రహానికి గురయ్యారు. ఉత్పత్తి వెంటనే ఆపేయాలంటూ ఫ్యాక్టరీ వద్దకు చేరుకుని ఆందోళనకు దిగారు. గేటు తోసుకుని లోపలికి దూసుకెళ్లడంతో ఉద్రిక్తత చోటుచేసుకుంది. ఈ క్రమంలో తోపులాట, వాగ్వాదం జరిగాయి. కంపెనీ మొదటి గేటు వద్ద సెక్యూరిటీ గార్డుపై గ్రామస్థులు దాడి చేశారు. అస్వస్థతకు గురైన అతడ్ని... ఆస్పత్రికి తరలించారు. సమాచారం అందుకుని సిబ్బందితో కలిసి రంగంలోకి దిగిన నూజివీడు డీఎస్పీ... ఆందోళకారులను అదుపు చేసేందుకు శ్రమించారు.
పోరస్ పరిశ్రమను శాశ్వతంగా మూసేయాలంటూ.. కదంతొక్కిన గ్రామస్థులు