"ఎన్నడూ లేని విధంగా.. కాపు సంక్షేమానికి వైకాపా ప్రభుత్వం కృషి"
YSRCP KAPU LEADERS MEETING : కాపుల అభివృద్ధికి వైకాపా ప్రభుత్వం పెద్దపీట వేసిందని.. ఆ వర్గం మంత్రులు, ప్రజాప్రతినిధులు అన్నారు. గతంలో ఎన్నడూ లేని విధంగా.. కాపు సంక్షేమానికి కృషి చేస్తోందన్నారు. పదవుల పరంగానూ తమ వర్గానికి అధిక ప్రాధాన్యం ఇస్తున్నట్లు చెప్పారు. ఇటీవల జనసేన అధ్యక్షుడు పవన్ కల్యాణ్ చేసిన వ్యాఖ్యలను ఖండించారు. రాజమహేంద్రవరంలో సమావేశమైన కాపు ప్రజాప్రతినిధులు.. తాజా రాజకీయ పరిస్థితులు సహా వివిధ అంశాలపై చర్చించారు. త్వరలోనే విజయవాడలో మరోసారి మరి కొంతమంది నాయకులను ఆహ్వానించి సమావేశం నిర్వహించాలని నిర్ణయించినట్లు తెలిపారు.