ముమ్మడివరంలో ఘనంగా వైఎస్ఆర్ జన్మదిన వేడుకలు

తూర్పుగోదావరి జిల్లా ముమ్మిడివరం నియోజకవర్గంలోని పలు మండలాల్లో వైఎస్ఆర్ జన్మదిన వేడుకలు ఘనంగా నిర్వహించారు. ముమ్మిడివరం ఎమ్మెల్యే వెంకట సతీష్ వేడుకల్లో పాల్గొని దివంగతనేతకు నివాళులు అర్పించారు. పెంచిన పింఛన్లను వృద్ధులకు అందించారు.

తూర్పు గోదావరి జిల్లా ముమ్మిడివరం నియోజకవర్గం పరిధిలోని తాళ్ళరేవు ఐ.పోలవరం, ముమ్మిడివరం కాట్రేనికోన మండలాలలో దివంగత నేత వై.ఎస్ రాజశేఖర్​రెడ్డి జన్మదిన వేడుకలను వైకాపా కార్యకర్తలు, వైఎస్ అభిమానులు ఘనంగా నిర్వహించారు. ముమ్మిడివరం చెరువుగట్టు సెంటర్​లో ఉన్న విగ్రహానికి స్థానిక శాసనసభ్యులు పొన్నాడ వెంకట సతీష్ పూలమాల వేసి నివాళులర్పించారు. అనంతరం కేక్ కట్ చేసిన ఆయన ప్రభుత్వం నూతనంగా పెంచిన వృద్ధులకు పెన్షన్లు పంపిణీ చేశారు. ఈ కార్యక్రమంలో వైకాపా శ్రేణులు అధిక సంఖ్యలో పాల్గొన్నారు.

ఇదీ చదవండి :రాయచోటిలో ఘనంగా వైఎస్ఆర్ జయంతి వేడుకలు