పాస్టర్ చేతిలో మోసపోయిన యువతి... అండగా నిలిచిన సినీనటి

ఓ పాస్టర్ చేతిలో వేధింపులకు గురైన ఓయువతికి సినీ నటి కరాటే కల్యాణి అండగా నిలిచారు. యువతితో పాస్టార్‌పై పోలీసులకు ఫిర్యాదు చేయించారు.

పాస్టర్ షారోన్ అనే వ్యక్తి నమ్మించి మోసం చేశాడంటూ... తూర్పుగోదావరి జిల్లాకు చెందిన ఓ యువతి సినీ నటి కరాటే కల్యాణి సహాయంతో రాజమహేంద్రవరం పోలీసులను ఆశ్రయించింది. పెళ్లి పేరుతో నమ్మించి వీడియోలతో బెదిరిస్తున్నాడని ఫిర్యాదు చేసింది.

ఈ సందర్భంగా కల్యాణి మాట్లాడుతూ.."రాజమహేంద్రవరం నగరానికి చెందిన పాస్టర్‌ వేధింపులతో మహిళ చాలా కుంగిపోయింది. అతడి బెదిరింపులతో హైదరాబాద్‌కు చేరుకుంది. అక్కడే ఆమె గురించి నాకు తెలిపింది. హైదరాబాద్‌లోని షీ టీమ్స్‌ను సంప్రదించాం. ఘటన తూర్పుగోదావరి జిల్లాలో జరగడంతో..వారి సూచన మేరకు ఇక్కడికి వచ్చి ఫిర్యాదు చేశాం. మహిళ నగ్న వీడియోలు తీసి దారుణంగా హింసించిన పాస్టర్‌ను కఠినంగా శిక్షించాలి"అని డిమాండ్ చేశారు.

ఇదీచదవండి