పంట కాల్వలోకి దూసుకెళ్లిన కారు... యువకుడు మృతి
తూర్పు గోదావరి జిల్లా సఖినేటిపల్లి మండలం టేకిశెట్టి పాలెం వద్ద సోమవారం తెల్లవారుజామున పంట కాల్వలోకి కారు దూసుకెళ్లిన ఘటనలో ఓ యువకుడు మృతి చెందాడు. మరో యువకుడు తీవ్రంగా గాయపడ్డాడు. మలికిపురం మండలం గుడిమెల్లంకకు చెందిన వీరు..పెద్దలంకలో వివాహ కార్యక్రమానికి హాజరయ్యారు. తిరిగి స్వగ్రామం వెళ్తుండగా ఈ ప్రమాదం జరిగింది.
మృతుడిని హరీష్(24)గా గుర్తించారు. మరో యువకుడు కిరణ్ కారులో నుంచి ఒడ్డుకు చేరుకొని ప్రాణాలు రక్షించుకున్నాడు. కుక్కను తప్పించే క్రమంలో అతివేగంతో వెళ్తున్న కారు అదుపు తప్పి కాల్వలోకి దూసుకెళ్లినట్టు స్థానికులు తెలిపారు.