పురుగుల మందు తాగి.. యువజంట ఆత్మహత్య

ధవళేశ్వరం కొత్తపేటలో ఓ యువజంట పురుగుల మందు తాగి తనువు చాలించారు. ఆత్మహత్యకు గల కారణాలపై పోలీసులు దర్యాప్తు ప్రారంభించారు.

తూర్పు గోదావరి జిల్లా ధవళేశ్వరం కొత్తపేట వీధిలో విషాదం జరిగింది. యువ జంట పురుగుల మందు తాగి ఆత్మహత్యకు పాల్పడ్డారు. మృతులు స్థానికుడైన తూరంగి జగదీష్, రాజమహేంద్రవరానికి చెందిన దీప్తిగా గుర్తించారు. గత ఎనిమిది నెలలుగా ఆ ఇంట్లో అద్దెకి ఉన్నట్లు స్థానికులు తెలిపారు. పోలీసులు కేసు నమోదు చేసుకుని దర్యాప్తు ప్రారంభించారు. దర్యాప్తు అనంతరం వివరాలు వెల్లడిస్తామని సీఐ తెలిపారు. మృతదేహాలను రాజమహేంద్రవరం ప్రభుత్వ ఆసుపత్రికి తరలించారు.

ఇవీ చూడండి-మద్యానికి బానిసైన తండ్రిని హతమార్చిన తనయుడు