తెదేపా అధికార ప్రతినిధి పట్టాభిరామ్‌పై చర్యలు తీసుకోవాలని డిమాండ్‌ చేస్తూ.. తూర్పుగోదావరి జిల్లా పి.గన్నవరం ఎమ్మెల్యే కొండేటి చిట్టిబాబు ఆధ్వర్యంలో.. బుధవారం తహసీల్దార్‌ కార్యాలయం ఎదుట వైకాపా నాయకులు నిరసన చేపట్టారు. అయితే.. ఈ సందర్భంగా వారు చేసిన పని విమర్శలకు దారితీసింది.
సీఎం జగన్‌మోహన్‌రెడ్డిపై పట్టాభిరామ్ చేసిన వ్యాఖ్యలకు చంద్రబాబు క్షమాపణ చెప్పాలంటూ.. వైకాపా నాయకులు ఓ ఫ్లెక్సీని ముద్రించారు. అయితే.. దానిపై తెదేపా నేత ‘పట్టాభిరామ్’ పేరుకు బదులు.. ప్రముఖ స్వాతంత్య్ర సమరయోధుడు, ఆంధ్రాబ్యాంకు వ్యవస్థాపక ఛైర్మన్‌ ‘భోగరాజు పట్టాభి సీతారామయ్య’ పేరు ముద్రించారు.