గ్రామ వాలంటీర్ వేధింపులు... వివాహిత ఆందోళన

తూర్పుగోదావరి జిల్లా అనపర్తి మండలం కొప్పవరంలో ఓ వివాహిత ఆందోళనకు దిగింది. స్థానిక గ్రామ వాలంటీర్ తన పేరుపై ఫేస్​బుక్​లో ఖాతా తెరచి.. అందులో తన ఫొటోలు పెట్టి మానసికంగా వేధిస్తున్నాడని కుతుకులూరు గ్రామానికి చెందిన వివాహిత.. ఆ గ్రామ వాలంటీర్ ఇంటి ఎదుట ఆందోళన చేసింది.

తూర్పుగోదావరి జిల్లా అనపర్తి మండలం కొప్పవరం గ్రామంలోని వాలంటీర్ ఇంట్లో బాధితురాలి బంధువులు అద్దెకు ఉండేవారు. ఫలితంగా వివాహితకు, వాలంటీర్​కు పరిచయం ఏర్పడింది. వాలంటీర్ తనను పెళ్లిచేసుకుంటానని చెప్పి, సామాజిక మాధ్యమాల్లో ఫొటోలను ఉంచి.. అసభ్యకరంగా ప్రవర్తించాడని బాధితురాలు పోలీసులకు ఫిర్యాదు చేసింది. పోలీస్ స్టేషన్​లో జరిగిన పెద్ద మనుషుల పంచాయితీలో వాలంటీర్.. ఫొటోలు తొలగిస్తానని చెప్పినా.. నేటికీ వాటిని తీసేయలేదని బాధితురాలు ఆవేదన వ్యక్తం చేసింది. ఈ ఆరోపణలపై స్పందించిన వాలంటీర్.. తాను ఎటువంటి అకౌంట్ క్రియేట్ చేయలేదని, మహిళ బంధువులే తనపై దాడి చేసి ప్రభుత్వం ఇచ్చిన చరవాణిని లాక్కున్నారని తెలిపాడు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

ఇదీచదవండి: ప్రేయసి, నిర్మాణ సంస్థల చుట్టూ సుశాంత్ కేసు