వాడపల్లి శ్రీ వెంకటేశ్వర స్వామి ఆలయశుద్ధి నిర్వహణ

కోనసీమ తిరుపతి వాడపల్లి శ్రీ వెంకటేశ్వర స్వామి ఆలయశుద్ధి కార్యక్రమాన్ని అర్చకులు భక్తి శ్రద్ధలతో నిర్వహించారు. జులై 1న జరిగే తొలి ఏకాదశి మహోత్సవానికి అర్చకులు ఏర్పాట్లు చేస్తున్నారు. అందులో భాగంగా కోయిల్ ఆళ్వార్ తిరుమంజనం నిర్వహించారు. దేవుని ప్రతిమలు, ఆలయ ప్రాంగణాన్ని శుద్ధిచేశారు.

కోనసీమ తిరుపతిగా పేరుగాంచిన తూర్పుగోదావరి జిల్లా ఆత్రేయపురం మండలం వాడపల్లి వెంకటేశ్వర స్వామి ఆలయశుద్ధి కార్యక్రమాన్ని పండితులు నిర్వహించారు. జులై 1వ తేదీన నిర్వహించే తొలి ఏకాదశి మహోత్సవం పురస్కరించుకుని ఆలయశుద్ధిలో భాగంగా కోయిల్ ఆళ్వార్ తిరుమంజనం నిర్వహించారు.

తిరుమంజనంలో అర్చకులు, సిబ్బంది భక్తిశ్రద్ధలతో శ్రీవారి సన్నిధి నుంచి మహాద్వారం వరకు మందిరంలోని ఉప ఆలయాలను శుభ్రం చేశారు. స్వామివారి సన్నిధి ప్రాంగణం, పూజ సామాగ్రి తదితర వస్తువులను శుద్ధిచేశారు. ఆలయం అంతట పవిత్ర తిరుమంజనాన్నీ చల్లారు.

ఇదీ చదవండి :వ్యవస్థల్లోని లోపాలను సరిదిద్దుతూ ముందుకెళ్లాలి: సీఎం జగన్