భక్తులతో కిక్కిరిసిన వాడపల్లి వెంకటేశ్వరస్వామి ఆలయం

తూర్పు గోదావరి జిల్లాలోని వాడపల్లి వెంకటేశ్వరస్వామి ఆలయం భక్తులతో కిక్కిరిసింది. కార్తీక మాసం క్షీరాబ్ది ద్వాదశి సందర్భంగా ఆలయానికి భక్తులు పోటెత్తారు. క్యూలైన్లు నిండి కాస్త తోపులాట జరిగింది. ఏడు ప్రదక్షిణలు చేసేందుకు వచ్చిన భక్తులు భారీగా ఉన్న కారణంగా.. చిన్నపిల్లలు, వృద్ధులు ఇబ్బందులు పడ్డారు. పోలీసులు సరైన భద్రతా చర్యలు చేపట్టకపోవడమే తోపులాటకు కారణమని అసంతృప్తి చెందారు.