ఈ నెల 16న తూర్పుగోదావరి జిల్లా పి.గన్నవరంలో మనబడి కార్యక్రమం నిమిత్తం సీఎం జగన్ పర్యటించనున్నారు. ఈ మేరకు చేస్తున్న ఏర్పాట్లకు వర్షం ప్రతిబంధకంగా మారింది. ఈరోజు సాయంత్రం కుండపోతగా పడిన వర్షానికి సభాస్థలి.. జడ్పీ ఉన్నత పాఠశాల క్రీడామైదానంలో వర్షపు నీరు నిలిచిపోయింది.
వర్షపు నీటిని బయటకు పంపేందుకు సిబ్బంది.. విస్తృత ఏర్పాట్లు చేస్తున్నారు. సీఎం వచ్చినప్పుడు వర్షం వచ్చినా ఆటంకం లేకుండా సభ జరిగేందుకు వీలుగా వాటర్ ప్రూఫ్ రూప్ షెడ్ అధునాతన హంగులతో అందుబాటులోకి తెస్తున్నారు.