తూర్పుగోదావరి జిల్లాలో ఇవాళ సీఎం జగన్ పర్యటించనున్నారు. అక్కడ వివిధ కార్యక్రమాల్లో పాల్గొంటారు. అమరావతి నుంచి ఉదయం 9 గంటల 45 నిమిషాలకు ముమ్మిడివరం మండలం గాడిలంకకు సీఎం చేరుకుంటారు. అక్కడి నుంచి ఐ.పోలవరం మండలం పశువుల్లంక వెళతారు. వృద్ధ గౌతమి గోదావరిపై నిర్మించిన వారధిని ప్రారంభిస్తారు. ఆ తర్వాత ముమ్మిడివరం మండలం కొమనాపల్లిలో టూరిజం బోటింగ్ కంట్రోల్ గదులకు శంకుస్థాపన చేస్తారు. అనంతరం సభాస్థలికి చేరుకుని... మత్స్యకార భరోసా పథకాన్ని ప్రారంభిస్తారు. మత్స్యకారులకు జీఎస్పీసీ బకాయిల కింద చెల్లించాల్సిన 78 కోట్ల 22 లక్షల రూపాయల చెక్కును అందజేస్తారు. ఆ తర్వాత బహిరంగ సభలో ప్రసంగిస్తారు.
కొమనాపల్లి బహిరంగ సభ ముగించుకొని 12 గంటలకు ముఖ్యమంత్రి జగన్ యానాం వెళ్లనున్నారు. పుదుచ్చేరి ఆరోగ్యమంత్రి మల్లాడి కృష్ణారావు నివాసానికి చేరుకుని.... ఇటీవల మరణించిన ఆయన తండ్రి సూర్యనారాయణకు శ్రద్ధాంజలి ఘటిస్తారు.