తూర్పుగోదావరి జిల్లా పి.గన్నవరంలో మండల విద్యా వనరుల కేంద్రం వద్ద రాష్ట్ర ఉపాధ్యాయ సంఘాల సమైక్య మండల శాఖ ప్రతినిధులు నిరసన తెలిపారు. ఉపాధ్యాయులను బోధనేతర పనుల నుంచి తప్పించాలని డిమాండ్ చేశారు. పాఠశాలల అభివృద్ధి పనులకు సంబంధించి ఉపాధ్యాయులను బాధ్యులుగా చేయడం వల్ల వారిపై ఒత్తిడి పెరుగుతుందని ఆవేదన వ్యక్తం చేశారు.
విలీన మండలాల్లో డిప్యుటేషన్ రద్దైన ఉపాధ్యాయుల స్థానంలో ప్రత్యామ్నాయ ఏర్పాట్లు చేయాలని కోరారు. ఈ కార్యక్రమంలో సంఘం నాయకులు పాల్గొని.. ఉన్నతాధికారులకు మెమోరాండం అందజేశారు.