'లాయర్ బోస్​ని తక్షణమే కోర్టులో ప్రవేశపెట్టాలి'

న్యాయవాది బోస్​ని కోర్టులో హాజరుపరచాలని డిమాండ్ చేస్తూ.. తూర్పు గోదావరి జిల్లా ఏలేశ్వరంలో తెదేపా నేతలు నిరసన ర్యాలీ చేశారు. ఈ మేరకు ఎమ్మార్వో కార్యాలయంలో వినతిపత్రం అందజేశారు.

తూర్పు గోదావరి జిల్లా ఏలేశ్వరం న్యాయవాది సుభాష్ చంద్రబోస్​ను.. పోలీసులు తక్షణమే కోర్టులో హజరుపరచాలని తెదేపా నేతలు ఆందోళన చేపట్టారు. తెదేపా నేతల ఆధ్వర్యంలో చేపట్టిన నిరసన ర్యాలీలో ప్రజలు పాల్గొన్నారు. తమ నాయకుడు పైలా సుభాష్ చంద్రబోస్​ కుటుంబ సభ్యులను భయబ్రాంతులకు గురి చేస్తూ అర్థరాత్రి.. పోలీసులు అరెస్టు చేశారని ఆరోపించారు.

బోస్​ను అరెస్టు చేసి 12 రోజులు గడుస్తున్నా.. ఇప్పటి వరకు కోర్టులో హాజరుపరచకపోవటంపై పలు అనుమానాలకు తావిస్తోందని ఆవేదన వ్యక్తం చేశారు. బోస్​ను అరెస్టు చేసిన ఇద్దరు ఎస్సైలు, సీఐలను సస్పెండ్ చేయాలని డిమాండ్ చేశారు. తక్షణమే బోస్​ను కోర్టులో హాజరు పెట్టకపోతే రాష్ట్ర వ్యాప్తంగా ఉద్యమం చేపట్టాల్సి ఉంటుందని హెచ్చరించారు. ఈ మేరకు ఏలేశ్వరం ఎమ్మార్వో కార్యాలయ అధికారులకు వినతి పత్రం అందజేశారు.

ఇదీ చదవండి:కొత్తపేట నియోజకవర్గంలో మరో 6 కరోనా కేసులు