వైకాపా నాయకులు బెదిరిస్తున్నారంటూ ఎన్నికల కమిషన్​కు ఫిర్యాదు

కౌన్సిలర్ అభ్యర్థులుగా పోటీ చేస్తున్న తమను పోటీ నుంచి వైదొలగాలని వైకాపా నాయకులు బెదిరిస్తున్నారంటూ ఏలేశ్వరం తెదేపా మున్సిపల్ అభ్యర్థులు ఎన్నికల కమిషన్​కు ఫిర్యాదు చేశారు. 20 మంది కౌన్సిలర్ అభ్యర్థులు ఈ మేరకు లేఖ రాశారు.

తూర్పుగోదావరి జిల్లా ఏలేశ్వరంలో కౌన్సిలర్లుగా పోటీ చేస్తున్న 20 మంది తెదేపా అభ్యర్థులు వైకాపాపై ఎన్నికల సంఘానికి ఫిర్యాదు చేశారు. తమను పోటీ నుంచి తప్పుకోవాలని అధికార పార్టీకి చెందిన నాయకులు బెదిరిస్తున్నారని ఎస్​ఈసీకి రాసిన లేఖలో పేర్కొన్నారు. సంక్షేమ పథకాలను నిలిపేస్తామంటున్నారని తెదేపా అభ్యర్థులు చెప్పారు.

ఇదీ చదవండి:విశాఖ ఉక్కు ప్రైవేటీకరణ నిర్ణయాన్ని వెనక్కి తీసుకోవాంటూ జలదీక్ష