అక్రమంగా గోవులను తరలిస్తున్న కంటైనర్ల పట్టివేత

అక్రమంగా పశువుల్ని తరలిస్తున్న కంటైనర్లను పోలీసులు..శంఖవరం మండలం కత్తిపూడి జాతీయ రహదారిపై పట్టుకున్నారు. పది మందిని అదుపులోకి తీసుకున్నారు. పశువుల్ని కృష్ణునిపాలెం గోశాలకు తరలించారు.

తూర్పు గోదావరి జిల్లా శంఖవరం మండలం కత్తిపూడి వద్ద జాతీయ రహదారిపై ఒడిశా నుంచి చిలకలూరిపేటకు పశువులను అక్రమంగా తరలిస్తున్న 7 కంటైనర్లను ఎస్​బీ పొలీసులు స్వాధీనం చేసుకున్నారు.

కంటైనర్లలో 64 ఆవులు, 72 గేదెలు ఉన్నాయని పొలీసులు తెలిపారు. వీటిని అన్నవరం పోలీస్ స్టేషన్​కు తరలించారు. కేసు నమోదు చేసి పది మందిని అదుపులోకి తీసుకున్నట్లు పోలీసులు తెలిపారు. అనంతరం పశువులను గోకవరం మండలంలో కృష్ణునిపాలెం గోశాలకు తరలించారు.

ఇదీ చదవండి:గండేపల్లిలో దొంగల హల్‌చల్‌.. పలు ఆలయాల్లో చోరీ