నాటుసారా తయారీ స్థావరాలపై పోలీసుల దాడులు

తూర్పుగోదావరి జిల్లాలోని పలు గ్రామాల్లో నాటుసారా గుప్పుమంటోంది. గుట్టుచప్పుడు కాకుండా సారా కాస్తూ.. అక్రమార్కులు జేబులు నింపుకుంటున్నారు. తాజాగా గోకవరం, కోరుకొండ మండలాల్లోని సారా తయారీ స్థావరాలపై ఎస్​ఈబీ అధికారులు దాడులు చేసి ముగ్గురిని అదుపులోకి తీసుకున్నారు.

తూర్పుగోదావరి జిల్లా గోకవరం, కోరుకొండ మండలాల్లోని నాటుసారా స్థావరాలపై ఎన్​ఫోర్స్​మెంట్ బ్యూరో అధికారులు దాడులు నిర్వహించారు. ఈ దాడుల్లో 18 వందల లీటర్ల బెల్లం ఊటను ధ్వంసం చేసి, 20 లీటర్ల నాటుసారాను స్వాధీనం చేసుకున్నారు. ముగ్గురు వ్యక్తులను అదుపులోకి తీసుకున్నారు. వీరిని కోర్టులో హాజరుపరుస్తామని కోరుకొండ ఎక్సైజ్ అండ్ ఎన్​ఫోర్స్​మెంట్​ అధికారులు తెలిపారు.

ఇదీ చదవండి:హోటళ్లలో కొవిడ్ వైద్యం నిర్వహణపై వామపక్షాల నిరసన