ఉప్పాడలో చిక్కిన ఆ పీత ఖరీదు రూ. 1000

సాధారణంగా పీత 100 నుంచి 250 గ్రాముల వరకు ఉంటుంది. అలాంటిది ఏకంగా కిలోకి పైగా బరువున్న పీతను ఎప్పుడన్నా చూశారా.. చూడాలంటే తూర్పు గోదావరి జిల్లా ఉప్పాడకు వెళ్లాల్సిందే మరీ...

తూర్పుగోదావరి జిల్లా ఉప్పాడ చేపల రేవులో ఓ మత్స్యకారుడికి పెద్ద పీత చిక్కింది. సాధారణంగా పీత 100 నుంచి 250 గ్రాముల వరకు ఉంటుంది. అలాంటిది ఈ పీత కిలో పైబడి బరువు ఉంది. దీన్ని కొనేందుకు వ్యాపారులు పోటీ పడ్డారు. ఈ భారీ పీత వేలం నిర్వహించగా ఓ వ్యాపారి 1000 రూపాయలకు సొంతం చేసుకున్నాడు. దీన్ని మండ పీతగా పిలుస్తారని.. చాలా అరుదుగా లభిస్తాయని స్థానిక మత్స్యకారులు చెబుతున్నారు.

ఇదీ చూడండి: అరుదైన వాలుగ చేపలపై పరిశోధనలు